అందమే అలగదా నిన్నే చూసి !!!!

॥ ప ॥ 

నే గీసిన చిత్రం

నా పాటకు రాగం 

నాలోని ప్రాణం నీవేనా ..?

అందాల చంద్రం 

వానల్లో వర్ణం 

నాలోని ప్రాణం నీవేనా..?

నీ...  స్వరం 

నే పాడే రాగమా 

నా ప్రాణమా..?

ఏ...  క్షణం 

నను వీడకు నేస్తమా... 

ఓ ప్రణయమా... 

హృదయం పొంగే ప్రణయం ఏదో ప్రళయమై భూకంపమై 

ఐనా ఊగెను హృదయం ఓ సంద్రమై అలల ఊయలై   ॥ప॥ 

॥చ॥ 

అధరాన మెరిసేటి అందాల నవ్వు 

గగనాన విరిసేటి వర్ణం నువ్వు 

నన్నిలా ప్రళయమై 

ప్రేమలో ముంచినావు 

ఏ మాయో చేసి 

నా మనసు దోచినావు 

మాయల్లే యెదలో కదిలే కలవో.. 

॥చ॥ 

చెలియా నా కావ్యం లో నాయిక నువ్వే 

గగనాన ఆ విల్లు కి వర్ణం నువ్వో 

మిణుగురే మెరిసేలే నీ మోమున ముక్కెరై 

అందమే అలిగెనే నిన్నే చూసి 

నాలోని సగమై నాలో నిలిచిపో