Thursday, May 12, 2016

పాత డైరీలో పేజీలు

ఇలాంటివి అసలు రాయొద్దు అనే అనుకుంటాను కాని రాయకుండా ఉండలేకపోతాను. భహుశా ఇదే లాస్ట్ కావొచ్చు. 

చాలా మంది ని చూస్తున్నా కదా ఎందుకో కలుస్తారు, నడుస్తారు, ఏడిపిస్తారు, వెళ్ళిపోతారు... They Just Move On

కొందరు మళ్ళీ వద్దాం అనుకుంటారు, వస్తారు 
కొందరు రాలేకపోతారు 
కొందరు రాలేని చోటుకు వెళ్ళిపోతారు 

అందరి లో కామన్ గుణం ఒక్కటే వాళ్ళ గురించి మనం ఏమి ఆలోచిస్తున్నామో తెలియకపోవడం 

నేను నేను గా ఉన్న కాలాన్ని చెప్పమంటే అమ్మ నుండి నాన్న వరకు అని చెప్పోచ్చేమో... నాన్న చెప్పేవారు మనిషి ఒంటరి వాడు. అది మర్చిపోయినప్పుడే బాధ పడడం మొదలవుతుంది అని. నేను వినలేదు అనుకో.. 

అయినా కళ్ళ ముందే ఇంత మంది నవ్వుతూ కనిపిస్తుంటే ఒక్కడినే అని ఎందుకు అనిపిస్తుంది అంతా నావాళ్ళే అనిపిస్తుంది.  కానీ అనుభవం చెప్పే పాఠాలు బాగా అర్థం అవుతాయి జీవితం ఇచ్చే గాయాలు బాగా గుర్తుంటాయి..  

మళ్ళీ వద్దాం అని వెళ్ళిపోయావు  గాని కల్సి పోరాడాలని ఎందుకు అన్పించలేదో ?
ఒక్క పలకరింపు అంత దూరం లో ఉన్నా "తను ఎందుకు వెళ్ళిపోయిందో ?"
కలిసి ఉండలేము అంటూనే కొందరు కలుస్తూనే ఉంటే కలిసి ఉండాలని ఉన్నా కూడా వీరు ఉండలేకపోవడం ఏమిటో?

నీటిలోని తామరాకు నీటిని తాకలేనట్లు 
ఎవరికీ ఏమీ కామేమో మనం 

ఈసారి ఐన నా కథలో అమ్మ ఉండాలి అనుకుంటున్నాను. 

మేఘం, చినుకులు దూరం అయితే వర్షం అవుతుంది... 
నిశీధి, నిద్ర దొంగాట ఆడుకుంటే నేను రాసే కథలు పుడతాయి... 

ఇంక ఈ పాత డైరీ తో పని లేదు అనుకుంటా... జ్ఞాపకాలతో పాటే అటకమీద పెట్టేస్తా... 

Monday, May 9, 2016

తన కోసం నేను రాసిన పాట

నా గతము లోని నీకు ఈ పాట అంకితం. 
ఇది దైవ నిర్ణయమో నీ నిర్ణయమో నాకు తెలియదు.
~ బిందు కు నాని 


ఔనని, కాదని ,
మనమనేదే లేదని... 
నువ్వని, నేనని,
వేరుగా ఉన్నామని... 
నా కంటి పాప లో చంటి పాప లా నిన్ను నూరేళ్ళు సాకాలని 
కలగన్న కనులకి నిదుర దూరమై గుండె గాయమై మిగిలానని 
విధి రాతో....  చెలి గీతో....  నువ్వు లేని లోకం లో బ్రతకనీ బ్రతకనీ... 

నువ్వు అంటే నా గతము లోని చిరునవ్వు ఉన్న నేనే కదా 
నువ్వు లేని ఈ నేను అంటే నా నవ్వు లేని నేనే కదా 

గతము లోని ప్రతి చిన్న జ్ఞాపకం కరిగిపోయే కన్నీరు గా 
గుండె చాటున ఉన్న రూపమే దూరమైంది నీ నీడగా 

నా కంటి పాప లో చంటి పాప లా నిన్ను నూరేళ్ళు సాకాలని 
కలగన్న కనులకి నిదుర దూరమై గుండె గాయమై మిగిలానని 
విధి రాతో....  చెలి గీతో....  నువ్వు లేని లోకం లో బ్రతకనీ బ్రతకనీ...