మాటలలో చెప్పలేని మహా అద్భుతం అమ్మ

నేనంటూ లేనప్పుడే నన్ను కోరుకున్నావు

నాకోసం కలలు కన్నావు

పది నెలలు ప్రతి క్షణం

నాకోసమే గడిపావు

అస్తిత్వం లేనప్పుడే

గాడం గా ప్రేమించావు

నేను లోకాన్ని చూడడం కోసం

నువ్వు ప్రాణ త్యాగానికి కి సిద్ధపడ్డావు

నీ గుండెలపై మొదటి అడుగులు వేసినా

నీ చేతులతో తప్పటడుగులు వేయించావు

నీకు నిద్రలేకుండా చేస్తున్నా

నన్ను నిద్రపుచ్చావు

నీ ఆకలి కూడా మరచిపోయి

నాకు ఆకలి అంటే ఏంటో తెలియకుండా చేసావు

అమ్మా నీ గుండె నీకోసం కంటే నాకోసమే

ఎక్కువగా అల్లాడింది ఏమో అనిపిస్తుంది

నిన్ను నా గుండెల్లో పెట్టుకోడం కన్నా

నీ ఋణం తీర్చుకోడానికి నేనేమి చెయ్యలేను...