ఎందుకంటే... అదంతే..

నిజం, నీతో చెప్పాలంటే
నాకేం రాదు రాయాలంటే

నింగి నేల కలిసే చోట
పగలు రాత్రి వలచే పూట
తియ్యని సంద్రం దొరికే చోట
సూర్యుడి వెన్నెల కురిసే  పూట

హరివిల్లు మంచై కురిస్తే
వర్షం ఆకాశాన నిలిస్తే

నా కష్టం చూసి నువ్వే నవ్వేస్తే
ఇంకేం కావాలి...?

నీ నవ్వే కావాలి

హి.. హి.. హి..  

ఏమైనది నాకు ..?
తెలుగే తెలియకుండా పోయింది
తెలివనేది లేకుండా పోయింది..
మనసే నాది కాకుండా పోయింది
మాట కూడా రానంటు పోయింది..

మరీ ఇంత అందంగా పుట్టేస్తే ఏం చేస్తాం, ఏం రాస్తాం..?