నా ప్రేమ పాడే రాగం నేను

నీ మీద ప్రేమకు తండ్రిని నేను, విరించి నేను
నా ప్రేమ పాడే రాగం నేను, విపంచి నేను

నిరంతరం నీ ధ్యాసలోనే
నా ఉచ్వాస నిశ్వాస

నా కనులలో
నీ నవ్వు నాట్యమాడే వేళ నా మది మ్రుదంగమై
ప్రేమ తరంగాలతో ప్రతిధ్వనిస్తుంది

చిగురించిన ప్రేమను పోషిస్తాను
చిరునవ్వుని చూస్తూ జీవిస్తాను
వేల రాగాలు పాడిస్తాను
కోటి కలలనలు పండిస్తాను

నిరతము నిన్నే ధ్యానిస్తాను,
ఆర్తి తో ఆరాధిస్తాను,
ప్రేమగా లాలిస్తాను,
ప్రేమిస్తాను..  :)

నా హృదయాన్ని స్వీకరించి
అనుగ్రహిస్తావా..? మరి ..!

కొంచెం మరుపైన కావే ...

బ్రతుకంతా భారంగా ఈ  బాధలో,
బ్రతికిన్చుకోలేని నీ ప్రేమలో..

గాయాల పాలైన నా గుండెలో,
నే మరిచిపోలేని నీ నవ్వులో..

చిరు వణుకు పుడుతున్న నా గొంతులో,
నే పిలువలేకున్న నీ పేరులో ..

గుండె నిండి,
కంట జారి,
నన్ను వదిలి వెళ్ళినా..

నిన్ను నేను,
మరువ లేను,
మరలి రాని ప్రియతమా..

నా కనుపాపలలో  నువ్వే
నా కను చెమ్మల్లో నువ్వే

కలలో కూడా నీ నవ్వే
కొంచెం మరుపైన కావే ...