కల అనుకోనా..?

గమ్యమే తెలియని ప్రయాణం,
నీకోసం ఎదురు చూసిన సమయం..
కాలమే ఆగింది కన్నీరొకటి జారింది,
నీ గొంతు విన్న ఆ నిమిషం..
సంద్రమై పొంగింది మనసు సంతోషం తో..
ఎదురు చూపులు ముగిసిన ఆనందంలో..

వరమనుకోనా??
కునుకల్లే ఎదురొచ్చి ఒడిలోన లాలించే కలవనుకోనా?

నిజమనుకోనా??
చిరునవ్వే ఎదురొచ్చి కన్నీళ్ళను తుడిచేసే భ్రమ అనుకోనా?

గతమనుకోనా??
కడ దాకా నాతో నడిచే కనిపించని దారులు వెతికే జతవనుకోనా..

చిరుగాలై దరి చేరావే,
చలి గాలై గిలి పెట్టావే,
హరి విల్లుని తలపించేల,
వర్ణాలె కురిపించావే

వరమనుకోనా?? నిజమనుకోనా?? గతమనుకోనా??
లేక

ఇదంతా
కల అనుకోనా..?