- కాదల్ కర్మ కహాని

నేను ఒకమ్మాయి ని చూడగానే ఈగ సినిమా లాగా అరె అరె అరె అరె అంటూ బ్యాక్ గ్రౌండ్ మ్యూజిక్ స్టార్ట్ ఐంది..
వెంటనే ఆమెకి చెప్పెయ్యాలని అనుకున్నా.. అనుకున్నానో లేదో కనిపించింది మళ్లీ బ్యాక్ గ్రౌండ్ మ్యూజిక్ స్టార్ట్ ఐంది..
(అది నా రింగ్ టోన్ అని అప్పుడు గుర్తు రాలేదు, గుర్తొస్తే నా లైఫ్ ఇంకోలా ఉండేది )
నేను : హలో మీరు చాల బాగున్నారు.. నాకు చాలా నచ్చారు..
(ఇంత ధైర్యం ఎలా వచేసిందో తెలీదు, పోయేకాలం అంటే ఇదేనేమో)
తను సీరియస్ గా చూసింది
నేను: అంటే మరి అంత బాగున్నారని కాదు జస్ట్ నాకు కనెక్ట్ ఐయ్యారని చెప్తున్నా (తడబడుతూ అన్నాను, ఆపేసినా బాగుండేది)
తను కోపం గా చూసింది
నేను: అంటే అది కాదండి ఐశ్వర్య రాయి చాలా అందంగా ఉంటుంది కానీ నాకు నచ్చదు, మీరు జస్ట్ యావరేజ్, బట్ నాకు చాలా నచ్చేసారు
ఫట్ అని ఒక సౌండ్, ఎక్కడనుండి వచ్చిందో తెలీదు.. కళ్ళ ముందు కొన్ని మెరుస్తూ గిర గిరా తిరుగుతున్నాయి, స్టార్స్ అనుకుంట.. నేను తేరుకునే సరికి తను మాయం ఐంది.

నెక్స్ట్ సీన్ లో :
ఏదో ఆలోచిస్తూ నడుచుకుంటూ వెళ్తున్నా, ఎవడో కాల్ చేసాడు అరె అరె అరె అరె అంటూ నా రింగ్ టోన్ మోగింది.. ఎదురుగ చూస్తే అదే తను.. అలా చూస్తూ ఉండిపోయాను..
తను: పక్కకి తప్పుకో, వెళ్ళాలి
నేను: పక్కనే ఉంటాను మీతో, అంటుంటే పక్కకి పోతారెంటండి..?
మళ్లీ చుక్కలు కనిపిస్తున్నాయి ఏంటి అనుకుంటున్నాను, రోడ్ మీద కుర్చుని చెంప మీద చెయ్యి వేస్కుని ఉన్నాను.. నెమ్మది గా ఏం జరిగిందో అర్ధం ఐంది..
(ఇదేరా ప్రేమంటే కన్నా.. ఎవడి దో రింగ్ టోన్... చీ నీ యబ్బ అనుకున్నాను)
కొన్ని రోజుల తరువాత.. రెండు చెంప దెబ్బలు పూర్తిగా తగ్గిపోయాయి అనుకున్నాక.. మళ్లీ రింగ్ టోన్ అరె అరె అరె అరె ....
నేను: ఏమండి ఇంట్లో సంబంధాలు చూస్తున్నారు.. మీరేమో చెంపలు వాయిస్తున్నారు.. ఏం చెయ్యమంటారు..?
తను: పెళ్లి చేస్కున్టావా..?
నేను: (ఆనందం ఆశ్చర్యం తో ) మిమ్మల్ని ప్రేమిస్తున్నాను అండి..
తను: సరే అయితే (అని వెళ్ళిపోయింది..)
నేను: ఇంట్లో ఏం చెప్పమంటారు..? (అరిచాను)
తను: అమ్మాయి నచితే ఓకే చెప్పు... లేకపోతే ఒన్ వీక్ లో అలోచించి చెప్తాను...
(అంటే ఒన్ వీక్ టైం కావాలన్నా మాట దీనికి)
ఈసారి రింగ్ టోన్ ఒన్ వీక్ వరకు మోగలేదు.. మోగాక..
నేను: సారీ అండి నేను బాగా ఆలోచించాను..
తను: ఏంటి సారీ
నేను: అది నేను
తను: అది లేను నేను లేదు నేను ఫిక్స్ ఐయ్యను.. నిన్ను లవ్ చెయ్యాలని..
నేను : అది కాదండి నేను మిమ్మల్ని లవ్ చెయ్యట్లేదు
తను: (కాలర్ పట్టేస్కుంది) మరి ఎందుకు ప్రపోజ్ చేసావురా..?
నేను: నాకు మీరు పడతారో లేదో అనీ....
తను: (ఒక చెంప దెబ్బ, నాలుగు చుక్కలు) టెస్ట్ చేసావా?
నేను: నాకు ఇంట్లో వాళ్ళు సంబంధం చూసారండి
తను: నచ్చలేదని చెప్పు, లేకపోతే నేను నచ్చాను అని చెప్పు..
నేను: అమ్మాయి నచితే ఓకే చెప్పమన్నారు కదా (తప్పించుకోడానికి ట్రై చేస్తున్నాను)
తను: (ఒక్కటి పీకి) నేను జస్ట్ యావరేజ్ గా ఉన్ననేన్త్రా నీకు.. కళ్ళు పెట్టి సరిగ్గా చూడు.. ఇప్పుడు చెప్పు..
(ఫస్ట్ చూసి ఆవరేజ్ అనుకున్నాను, కానీ చూడగా చూడగా బాగుంది.. చాలా బాగుంది. ఈ అమ్మాయిలు అందం గా లేవు అంటే మాత్రం క్షమించరు అని మాత్రం అర్థం ఐంది.. అరె సాంబో..! రాస్కో..! (నాతో నేనే చెప్పుకున్నాను)...)
సరే అర్థం ఐపోయింది..! నాకు సంబంధం రాలేదని తనకి,
తనకి నేను నచ్చేసాను అని నాకు..
నేను: అంతా ఒకే కానీ.. ఒక్కటే భయంగా ఉంది అండి..
తను: ఏంటి..?
నేను: మాట్లాడితే చెంపలు వాయిస్తున్నారు..
తను: నా దెబ్బలే తట్టుకోలేకపోతే మా అన్నయ్య ని ఎలా ఫేసు చేస్తావ్ రేపు
నేను: (కంగారు గా) అన్నయ్యేంటి..?
తను: ఇంత అందమైన అమ్మాయికి ఒక అన్నయ్యని expect  చెయ్యలేదా? రోజు జిం చేస్తానే ఉంటాడు.. రేపు వస్తాడు..
నేను: ఎందుకు..? ( భయం తో)
తను: నిన్ను కుమ్మడానికి
నేను: అదేంటి..?
తను: నువ్వు నా వెంట పడ్తున్నావని చెప్పానులే
నేను: మరి లవ్ చెయ్యట్లేదా? (నన్ను కుమ్మేయ్యడనికా ఇదంతా.. డౌట్ వచ్చింది)
తను: చేస్తున్నాను, కాకపోతే లవ్ చెయ్యకముందు అన్నయ్య కి చెప్పా
నేను: మరిప్పుడు లవ్ చేస్తున్నా అని చెప్పండి
తను: అమ్మో ఇంకేమైనా ఉందా? నన్ను ఇంట్లో చంపేస్తారు
నేను: అయితే నన్ను చంపేస్తాదేమో..? (చమటలు పట్టేసాయి)
తను: ప్రేమ కోసం కొన్ని త్యాగాలు చెయ్యాలి బంగారం... జాగ్రత్తా.. సరేనా..
నేను: అమ్మాయిలు ఇలా కూడా ఉంటారా?
తను: ఇలాగే ఉంటారు..
(వెళ్ళిపోయింది)
మళ్ళీ అరె అరె అరె అరె .......
రింగ్ టోన్ కాదు గాని ఈగని నలిపినట్లు నలిపెస్తాడేమో..
ఇప్పుడు నా బ్యాక్ గ్రౌండ్ సాంగ్
Dek lo re sala .. Ye Raath cha gai... Tere dwar pey .. Tere moth aagai...
( బాసు ఇది కహాని మాత్రమే)